Собор новомучеников и исповедников Радонежских 2025 г

11 декабря в Обители молитвенно отпраздновали день памяти собора новомучеников и исповедников Радонежских (перенос с 10 декабря).

 Тексты на Литургии:

Первое послание апостола Павла к Тимофею (1Тим.6:17-21)

Евангелие от Луки (Лк.20:9–18)

Список Святых:

Исповедник Агафа́нгел (Преображенский), Ярославский, митрополит. Священномученик Алекса́ндр Туберовский, пресвитер. Священномученик Алекса́ндр Левитский, пресвитер. Священномученик Алекса́ндр (Щукин), Семипалатинский, архиепископ. Священномученик Анато́лий (Грисюк), Одесский, митрополит. Преподобномученица А́нна Макандина, послушница. Священномученик Афана́сий Докукин, пресвитер.Мученик Васи́лий Кондратьев. Священномученик Васи́лий Архангельский, пресвитер. Священномученик Васи́лий Парийский, пресвитер. Священномученик Влади́мир (Богоявленский), Киевский, митрополит. Священномученик Илия́ Громогласов, пресвитер. Мученик Иоа́нн Попов. Священномученик Иоа́нн Смирнов, Московский, пресвитер. Преподобномученица Ири́на Хвостова, послушница. Преподобномученик Крони́д (Любимов), архимандрит. Преподобномученик Ксенофо́нт (Бондаренко), иеромонах. Преподобномученик Маври́кий (Полетаев), архимандрит. Преподобномученица Матро́на Макандина, послушница. Священномученик Ми́рон Ржепик, пресвитер. Священномученик Никита (Делекторский), Орехово-Зуевский, епископ. Священномученик Николай Беневоленский, пресвитер. Священномученик Симео́н Лилеев, пресвитер. Мученица Татиа́на Гримблит. Священномученик Фео́дор Дорофеев, пресвитер. Преподобномученик Феофа́н (Графов), иеродиакон.

Тропарь святителю и исповеднику Агафангелу, митрополиту Ярославскому и Ростовскому, глас 2

От младе́нческих ле́т Бо́гом избра́нный,/ на служе́ние Святе́й Це́ркви при́зван бы́л еси́,/ о́вцы слове́сныя ста́да Христо́ва до́бре упа́сл еси́,/ за ве́ру Правосла́вную гоне́ние претерпе́л еси́./ Испове́дниче святи́телю Агафа́нгеле,/ моли́ о на́с Бо́га, до конца́ в ве́ре и́стинней пребыва́ти,// па́стырю на́ш до́брый.

Тропарь священномученику Владимиру, Митрополиту Киевскому, глас 2

Ве́ры Правосла́вныя непоро́чный блюсти́телю/ и за́поведей Христо́вых усе́рдный исполни́телю,/ священному́чениче Влади́мире,/ Христа́ всем се́рдцем возлюби́в,/ па́ству твою́ до́бре упа́сл еси́,/ незло́биво му́ченическую смерть прия́л еси́./ Сего́ ра́ди в ве́чной сла́ве пребыва́я,// моли́ спасти́ся душа́м на́шим.

Тропарь священномученику Феодору Дорофееву, глас 2

Прииди́те, боголюби́вии лю́дие,/ восхва́лим ве́рнаго сы́на Це́ркве Ру́сския,/ священному́ченика Фео́дора добропобе́днаго,/ и́же, страда́ния за Христа́ претерпе́в/ и му́ченическую смерть прие́м,/ дар досто́ин Бо́га Вы́шняго яви́ся,/ те́мже с наде́ждею к нему́ возопии́м:/ моли́ся о нас ко Го́споду/ в ве́ре правосла́вней утверди́тися// и спасти́ся душа́м на́шим.

Тропарь преподобномученику Феофану (Графову), глас 4

Мирска́го мяте́жа удали́вся,/ во оби́тель и́ноческую всели́лся еси́,/ иде́же, диа́конскаго чи́на удосто́ився,/ по́двигом до́брым подвиза́лся еси́./ Во дни же гоне́ний на Це́рковь Ру́сскую/ темни́чныя у́зы и рабо́ты го́рькия Христа́ ра́ди претерпе́в,/ тве́рдость во испове́дании ве́ры яви́л еси́./ Те́мже ны́не, во оби́телех Небе́сных пребыва́я/ и с ли́ки а́нгельскими Бо́гу предстоя́,/ помина́й нас, любо́вию чту́щих тя, // Феофа́не преподо́бне, о́тче наш.

Тропарь священномученику Симеону Лилееву, глас 6

Я́ко те́плаго пред Бо́гом моли́твенника/ и ве́рнаго па́стыря Христо́вых ове́ц/ восхваля́ем тя, священному́чениче Симео́не,/ ты бо, я́ко оте́ц чадолюби́вый,/ о па́стве свое́й боле́знуя/ и храм Бо́жий от поруга́ния сохраня́я,/ страда́ния и лю́тую смерть претерпе́л еси́/ и вене́ц неувяда́емыя сла́вы прия́л еси́.// Моли́ спасти́ся душа́м на́шим.

Тропарь священномученику Анатолию, митрополиту Одесскому, глас 5

Во святи́телях благоче́стно пожи́л еси́, и муче́ния путь сконча́в, богобо́рцев я́рость посрами́л еси́, побо́рник Христо́ву ста́ду был еси́, богому́дре. Те́мже тя почита́ем ны́не, вопию́ще: священному́чениче Анато́лие, моли́ Христа́ Бо́га спасти́ся душа́м на́шим.

Тропарь священномученику Николаю Беневоленского, глас 2

Благода́тию свяще́нства украси́вся,/ до́брый па́стырь ве́рным лю́дем яви́лся еси́,/ и Христу́ да́же до сме́рти после́довав,/ вене́ц жи́зни от Него́ прия́л еси́./ Те́мже ны́не помина́й нас, священному́чениче Нико́лае,// и моли́ся о спасе́нии душ на́ших.

Тропарь священномученику Никите (Делекторского), глас 4

По́слан бы́сть во гра́д Орехово-Зуево/ для утвержде́ния правосла́вия,/ просла́вился еси́ моли́твою и благоче́стием,/ уподо́бился еси́ юро́дством блаже́нной Ксе́нии,/ венча́лся еси́ венце́м му́ченическим,/ святи́телю о́тче Ники́то,/ моли́ Христа́ Бо́га/ дарова́ти гра́ду на́шему ми́р// и душа́м на́шим ве́лию ми́лость.

Тропарь священномученику Мирону Ржепику, глас 4

Це́ркве Ру́сския во́ине непоколеби́мый,/ священному́чениче Ми́роне,/ клевету́ гони́телей отве́ргл еси́/ и, во у́зах ве́ру и́стинную являя,/ Христа́ ра́ди да́же до кро́ве пострада́л еси́./ Ны́не же, во Ца́рствии Небе́снем пребыва́я/ и безсме́ртныя трапе́зы наслажда́яся,/ моли́ и нам в терпе́нии и му́жестве укрепи́тися// и прича́стники жи́зни ве́чныя бы́ти.

Тропарь священномученику Иоанну Смирнову, глас 5

До́брым по́двигом подвиза́яся,/ украше́ние иере́ем яви́лся еси́, о́тче Иоа́нне,/ любому́дрию же отце́в Сина́йских поуча́яся,/ ра́зум и́стине Христо́вой покори́л еси́,/ па́стве твое́й о́браз чистоты́ и благоче́стия яви́в,/ кро́вию му́ченическою житие́ запечатле́л еси́./ Те́мже Бо́гу предстоя́,// моли́ спасти́ся душа́м на́шим.

Цитата дня

“Нельзя же думать, что человек будет уважать жизнь и права другого, руководясь исключительно внешней для него организационной необходимостью. Только в том случае возможна нормальная общественная жизнь со всем ее благоустройством, когда члены общества руководятся высокими этическими, гуманитарно-альтруистическими и поддерживающими их еще более глубокими религиозными стимулами; только общество верующих людей способно быть во всех отношениях благоустроенным и счастливым, так как в нем нет места не только убийству, но и гневу или зависти, порождающими убийство; так как член такого общества мнит себя ответственным не перед судьею лишь, карающим видимое преступление, а и перед Богом и своею совестью, которым открыты тончайшие движения человеческого сердца”.

(священномученик Александр Туберовский)

источник: Туберовский А. М. Ценность религии // Богословский вестник 1918. Т. 1. № 3/4/5. С. 84-89 (3-я пагин.)

Молитва святителю и исповеднику Агафангелу, митрополиту Ярославскому и Ростовскому

О, Богомудре святителю и исповедниче Христов Агафангеле, измлада возжелевый служити олтарю Господню! Ты, первее люди Сибирския и Прибалтийския в стране нашей архипастырским служением добре управив, последи Ярославстей пастве дарован был еси, во время же богоборческих гонений заветом первосвятителя Тихона попечение о Русской Церкви приял еси. Тогда, священное исповедание, яко забрало, восприим, уста богохульная дерзновенно заградил еси и безплотныя враги посрамил еси, чада церковная поучая предания святых отец соблюдати, единство святыя веры в союзе братскаго мира хранити и пастырем законным повиноватися. Темже, заточения, изгнание и многая лишения за имя Христово претерпев, блаженства изгнанных правды ради сподобился еси и ныне с ликом новомученик и исповедник Российских Престолу Пренебесному предстоиши. Темже моли Всеблагаго Бога, да сохранит Церковь Русскую от ересей, расколов, нестроений и гонений, да возродится земля наша святым покаянием и да прославят вернии людие ея единым сердцем и едиными усты Дивнаго во святых Своих Бога, Отца и Сына и Святаго Духа во веки веков. Аминь.

Молитва священномученику Анатолию, митрополиту Одесскому

О, священному́чениче святи́телю о́тче Анато́лие! К тебе́, моли́твеннику те́плому и пред Бо́гом предста́телю усе́рдно притека́ем. В лю́тую годи́ну гоне́ний и испыта́ний земли́ на́шея, внегда́ безбо́жныя врази́ преда́ша сме́рти ве́рныя рабы́ Бо́жия и хра́мы святы́я сокруши́ша, яви́л тя́ Госпо́дь Це́ркве своея́ а́ки сто́лп непоколеби́м и лю́дем Бо́жиим па́стыря до́бра, ду́шу свою́ за о́вцы полага́юща и во́лки душепа́губныя дале́че отгоня́юща. Ны́не у́бо при́зри на на́с, со умиле́нною душе́ю и сокруше́нным се́рдцем тебе́ призыва́ющих. Кре́пость бо на́ша в на́с оскуде́ и вра́жия ловле́ния и се́ти окружи́ша на́с. Моли́ся за на́с, да не поги́бнем до конца́ со беззако́ньми на́шими, но да обрати́т на́с Госпо́дь на стезю́ покая́ния и спасе́ния, да прости́т на́м вся́ согреше́ния на́ша и ниспо́слет ми́р на гра́ды и ве́си на́ша, изба́вит на́с от наше́ствия иноплеме́нников, междоусо́бныя бра́ни и вся́ких раздо́ров и нестрое́ний. Утверди́, священному́чениче, ве́ру и благоче́стие во все́х ча́дех Правосла́вныя Це́ркве, испроси́ на́м от Го́спода му́жества да́р, да яви́мся насле́дницы Ца́рствия Небе́снаго, сохраня́я ве́рность до конца́ жи́зни на́шея Го́споду Бо́гу и Спа́су на́шему Иису́су Христу́. Ему́ же подоба́ет вся́кая сла́ва, че́сть и поклоне́ние, со Отце́м и Святы́м Ду́хом, ны́не и при́сно, и во ве́ки веко́в. Ами́нь.

Молитва преподобномученику Феофану (Графову)

О, святы́й преподобному́чениче Феофа́не приснопа́мятне, во́ине Христо́в добропобе́дный, Це́ркве Ру́сския ве́рный сы́не! Ты, пе́рвее труды́ по́стническими ду́шу твою́ жела́я очи́стити, во оби́тель Борисогле́бскую всели́лся еси́, иде́же диа́конскаго чи́на удосто́ився, усе́рдно подвиза́лся еси́. В годи́ну же гоне́ний безбо́жных, терпе́нием му́жески вооружи́вся и мно́гая страда́ния и лише́ния претерпе́в, я́ко благи́й раб и ве́рный, в ра́дость Го́спода твоего́ вшел еси́. О, преподо́бне и достохва́льне страда́льче! Моли́ те́пле Всеблага́го Го́спода на́шего Иису́са Христа́, да утверди́т Правосла́вную ве́ру во Оте́честве на́шем, да помо́жет и́ноком обе́ты мона́шеския усе́рдне исполня́ти, христоимени́тым же лю́дем по́двигом до́брым подвиза́тися. Нам же, любо́вию тя почита́ющим и к заступле́нию твоему́ прибега́ющим, испроси́ покая́ние и проще́ние грехо́в, терпе́ние в ско́рбех и боле́знех, да во вся́ком чи́не и зва́нии Го́сподеви благоугоди́м и во всех обстоя́ниих на Него́ Еди́наго наде́жду возложи́м. Ему́же подоба́ет вся́кая сла́ва, честь и поклоне́ние со Отце́м и Святы́м Ду́хом ны́не и при́сно и во ве́ки веко́в. Ами́нь.

Молитва священномученику Симеону Лилееву

О па́стырю до́брый слове́сных ове́ц Христо́вых, священному́чениче Симео́не, сла́во земли́ Ра́донежския, ве́си Заболо́тския похвало́, те́плый наш засту́пниче и во вся́ких ско́рбех и ну́ждах помо́щниче! Ты, благоче́стне пожи́в, тве́рдою ве́рою, усе́рдным соверше́нием Та́ин Бо́жиих, благогове́йным почита́нием Пресвяты́я Богоро́дицы, науче́нием ю́ных зако́ну Бо́жию, пропове́данием сло́ва ева́нгельскаго, любо́вию к па́стве, ре́вностию о святе́м хра́ме Госпо́днем, благоду́шным несе́нием боле́зней, терпе́нием злохуле́ний, наипа́че же дерзнове́нным да́же до сме́рти испове́данием Христа́, Небе́снаго Ца́рствия дости́гл еси́ и благода́ть во всем помога́ти нам улучи́л еси́. О всехва́льне священному́чениче! Услы́ши нас гре́шных, моля́щихся тебе́, и умоли́ Всеми́лостиваго Бо́га, да прости́т нам согреше́ния на́ша и изба́вит от а́довых уз и ве́чнаго муче́ния. Утверди́ нас, уго́дниче Христо́в, в ве́ре правосла́вней и научи́ всегда́ твори́ти во́лю Бо́жию и храни́ти повеле́ния Госпо́дня. Моли́ся о стране́ на́шей, о ве́си сей и хра́ме, иде́же служе́ние соверша́л еси́, и о всех лю́дех земли́ на́шея, да изба́вит нас Всеблаги́й Госпо́дь от гла́да, мо́ра, о́гненнаго запале́ния и да́рует мир, изоби́лие плодо́в земны́х, телесе́м здра́вие и душа́м спасе́ние, и вся, я́же на потре́бу челове́ком, да та́ко предста́тельством твои́м храни́ми, богоуго́дне поживе́м и сподо́бимся вни́ти в ра́дость Го́спода на́шего, прославля́юще Отца́, и Сы́на, и Свята́го Ду́ха, во ве́ки веко́в. Ами́нь.

Молитва священномученику Николаю Беневоленского

О па́стырю до́брый и ве́рный служи́телю Христо́в, священному́чениче Нико́лае! Ты, ро́да пра́веднаго о́трасль быв, от ю́ности еди́ному Христу́ служи́ти возжеле́л еси́ и свяще́нства дар, я́ко не́кое Небе́сное сокро́вище, от Него́ прия́л еси́. Те́мже, не о себе́ помышля́я, но о па́стве твое́й пеки́йся, стра́ждущия всем потре́бным снабдева́л еси́. Во дни же гоне́ния лю́таго, зе́млю Ру́сскую пости́гшаго, ре́вность твоя́ я́же по Бо́зе ника́коже ослабе́, но па́че умно́жися, и ле́пота души́ твоея́ всем откры́ся. Ты гони́телей, кро́ва тя лиши́вших и зло́бою ды́шущих, не убоя́лся еси́ и во град преподо́бнаго Се́ргия кро́тко пресели́лся еси́, иде́же, я́ко до́брый па́стырь о лю́дех помышля́я и ре́вности проро́ка Бо́жия Илии́ подража́я, дерзнове́нно и немо́лчно о́вцы Христо́вы благонра́вному житию́ поуча́л еси́. Осужде́н же быв от богобо́рцев на изгна́ние и го́рькия рабо́ты, я́ко ве́рный раб Пастыренача́льника Христа́, во у́зах смерть неви́нную за Него́ прия́л еси́. И ны́не, свя́те Нико́лае, предстоя́ Престо́лу Святы́я Тро́ицы, исхода́тайствуй Оте́честву на́шему мир и благоде́нствие. Испроси́ у Го́спода па́стырем ре́вность апо́стольскую, служе́ние неле́ностное и о па́стве попече́ние изря́дное. Моли́ся, о́тче блаже́нне, и нам бога́тыя ми́лости от Го́спода улучи́ти, ве́ру правосла́вную до́бре храни́ти, наде́жду на Бо́га еди́наго возлага́ти и любо́вь ева́нгельскую в сердца́х на́ших возгрева́ти. Да богоуго́дне на земли́ пожи́вше, сподо́бимся и на Небесе́х при́сно сла́вити Отца́, и Сы́на, и Свята́го Ду́ха, Тро́ицу Единосу́щную и Неразде́льную, во ве́ки веко́в. Ами́нь.

Молитва священномученику Никите (Делекторского)

О, пресла́вный и ди́вный страстоте́рпче, архиере́е Христо́в, священному́чениче о́тче на́ш Ники́то. К тебе́, я́ко и́стинному хода́таю и моли́твеннику у Престо́ла Бо́жия, мы́ недосто́йнии прибега́ем и смире́нно мо́лимся. Ты́, я́ко па́стырь до́брый, ду́шу свою́ положи́вый за о́вцы своя́, преиспо́лнен бы́в любве́ и ве́ры Христо́вой, укрепи́ и на́с на стези́ спасе́ния, да не поги́бнем лю́те. Ты́ бо прия́л еси́ от Го́спода благода́ть и си́лу за тя́жкия и мно́гия страда́ния твоя́, чту́щим па́мять твою́, помога́ти и от бе́д избавля́ти, изба́ви и на́с, моли́твенниче всесла́вне, вся́ких раздо́ров и нестрое́ний, призыва́ющих тя́ с ве́рою и любо́вию, и изба́ви от вся́каго зла́го обстоя́ния. Ми́р умири́, безу́мныя вразуми́ и в ве́ре Христо́вой укрепи́, согрева́я огне́м моли́твы твоея́ охладе́вшия сердца́ на́ша, да сподо́бит Госпо́дь на́с, гре́шных, Небе́снаго Ца́рствия Своего́, и со все́ми святы́ми прославля́ти всечестно́е и великоле́пое и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

(Икона Собор Радонежских Святых)