День памяти равноап.Ольги, вел.кн.Российской, во Святом Крещении Елены (969) 2024 г

Тексты на Литургии:

Послание апостола Павла к Римлянам (Рим.15:7–16)

Евангелие от Матфея (Мф.12:38–45)

Тропарь равноапостольной княгине Ольге, во Святом Крещении Елене, глас 4

Оста́вивши лесть и́дольскую,/ после́довала еси́ Христу́, Безсме́ртному Жениху́, О́льго Богому́драя,/ в Его́же черто́зе ра́дующися,/ непреста́нно моли́ся// о чту́щих ве́рою и любо́вию святу́ю па́мять твою́.

Перевод: Оставив обман идолопоклонства, ты последовала Христу, Бессмертному Жениху, Ольга Богомудрая, в Его же чертоге радуясь, не переставая молись о почитающих с верой и любовью святую память твою.

Кондак равноапостольной княгине Ольге, во Святом Крещении Елене, глас 3

Свята́я равноапо́стольная избра́ннице Христо́ва, княги́не О́льго,/ наро́д твой слове́сным и чи́стым Христо́вым млеко́м напои́вшая,/ моли́ся Ми́лостивому Бо́гу,/ да прегреше́ний оставле́ние// пода́ст душа́м на́шим.

Перевод: Святая равноапостольная избранница Христова, княгиня Ольга, народ твой словесным и чистым Христовым молоком напоившая (1Пет.2:2), молись Милостивому Богу, да прегрешений прощение подаст душам нашим.

Величание равноапостольной княгине Ольге, во Святом Крещении Елене

Велича́ем тя,/ свята́я равноапо́стольная княги́не О́льго,/ я́ко зарю́ у́треннюю в земли́ на́шей возсия́вшую/ и свет ве́ры Правосла́вныя// наро́ду своему́ предвозвести́вшую.

Цитата дня

“Такая добродетельная жизнь княгини Ольги низвела на нее благоволение Божие: с каждым днем становилось ей все более ясным, что только люди безумные могут почитать богами бездушных идолов. В Киеве, во времена княжения Ольги, были уже христиане, хотя и в малом числе. Вероятно, она знала их; беседы с ними окончательно открыли ей святость и высоту Христова учения, и стала она в душе христианкой; но в Киеве, наполненном язычниками, она считала небезопасным для себя принять Святое Крещение. И вот, услышав от киевских христиан, что вера Христова пришла в Россию от греков, мудрая Ольга пожелала и сама побывать в их стране, дабы выслушать наставления в вере самые точные. Взяв с собой нескольких бояр и родственников своих, она прибыла в Царьград, явилась к патриарху Полиевкту и сказала ему о своем намерении. Живое, отеческое участие принял патриарх в русской княгине”.

архиепископ Никон (Рождественский)

источник: Троицкие листки: Духовно-нравственное чтение для народа: №№1-800 / Архиеп. Никон (Рождественский) ; Сост. Игумен Пантелеймон. — Джорданвилль: Тип. Свято-Троицкого монастыря, 1954.

Молитва равноапостольной княгине Ольге, во Святом Крещении Елене

О, вели́кая уго́дница Бо́жия, богоизбра́нная и богопросла́вленная, равноапо́стольная вели́кая княги́не О́льго! Ты отри́нула еси́ злове́рие и нече́стие язы́ческое, уве́ровала еси́ во Еди́ного И́стиннаго Триипоста́сного Бо́га, и восприя́ла еси́ свято́е Креще́ние, и положи́ла еси́ нача́ло просвеще́нию земли́ Росси́йския све́том ве́ры и благоче́стия. Ты еси́ духо́вная родонача́льница на́ша, ты по Христе́ Спаси́теле на́шем пе́рвая вино́вница просвеще́ния и спасе́ния ро́да на́шего. Ты еси́ те́плая моли́твенница и хода́таица о оте́честве Всеросси́йстем, во́инстве и всех лю́дех. Сего́ ра́ди смире́нно мо́лим тя: при́зри на не́мощи на́ша и умоли́ Премилосе́рдаго Царя́ Небе́снаго, да не прогне́вается на ны зело́, я́ко по не́мощем на́шим по вся дни согреша́ем, да не погуби́т нас со беззако́ньми на́шими, но да поми́лует и спасе́т нас по ми́лости Свое́й, да всади́т в сердца́ на́ша спаси́тельный страх Свой, да просвети́т Свое́ю благода́тию ум наш, во е́же разуме́ти нам пути́ Госпо́дни, оста́вити стези́ нече́стия и заблужде́ний, тща́тися же во стезя́х спасе́ния и и́стины, неукло́ннаго исполне́ния за́поведей Бо́жиих и уста́вов Святы́я Це́ркве. Моли́, блаже́нная О́льго, Человеколю́бца Бо́га, да проба́вит нам вели́кую ми́лость Свою́, да изба́вит нас от наше́ствия иноплеме́нных, от вну́тренних нестрое́ний, мятеже́й и раздо́ров, от гла́да, смертоно́сных боле́зней и от вся́каго зла, да пода́ст нам благорастворе́ние возду́ха и плодоно́сие земли́, да сохрани́т страну́ на́шу от всех ко́зней и наве́т вра́жиих, да соблюде́т в судия́х и прави́телех пра́вду и ми́лость, да даст па́стырем ре́вность о спасе́нии пасо́мых, всем же лю́дем споспеше́ние, о е́же усе́рдно слу́жбы своя́ исправля́ти, любо́вь ме́жду собо́ю и единомы́слие име́ти, да на бла́го оте́чества и Святы́я Це́ркве ве́рне подвиза́тися, да воссия́ет свет спаси́тельныя ве́ры в стране́ на́шей во всех конце́х ея́, да обратя́тся к ве́ре неве́рующии, да упраздня́тся вся е́реси и раско́лы. Да, та́ко пожи́вши в ми́ре на земли́, сподо́бимся с тобо́ю ве́чнаго блаже́нства на Небеси́, хва́ляще и превознося́ще Бо́га во ве́ки веко́в. Ами́нь.