Неделя 21-я по Пятидесятнице. Мч. Лонгина, сотника. Свт. Иоанна, митр. Тобольского (1914) 2023 г
Тексты на Литургии:
Послание апостола Павла к Галатам (Гал.2:16–20)
Евангелие от Луки (Лк.8:5–15)
Тропарь святителю Иоанну, митрополиту Тобольскому, глас 8
Наста́вниче благоче́стия,/ сиро́тствующих пита́телю,/ скорбя́щих уте́шителю, неду́гующих врачу́ безме́здный,/ душе́ю стра́ждущих ско́рый помо́щниче,/ те́плый моли́твенниче о всех ко Го́споду,/ святи́телю о́тче Иоа́нне,// моли́ Христа́ Бо́га, спасти́ся душа́м на́шим.
Перевод: Учитель благочестия, сирот воспитатель, утешитель скорбящих, больным бескорыстный врач, страдающим душой быстрый помощник, усердный молитвенник обо всех ко Господу, святитель отче Иоанн, моли Христа Бога о спасении наших душ.
Кондак святителю Иоанну, митрополиту Тобольскому, глас 2
Яви́лся еси́ во тьме неве́дения пребыва́ющим просвети́тель,/ вдов и сиро́т уте́шитель,/ ди́вный врач немощству́ющих,/ младе́нцев и отроко́в наста́вник,/ роди́телем же пресве́тлое ра́дование,/ святи́телю о́тче Иоа́нне,/ моли́ Христа́ Бо́га пода́ти стране́ на́шей в ве́ре утвержде́ние,/ во́инству на́шему на враги́ побе́ду и одоле́ние,// лю́дем же свои́м ве́лию ми́лость.
Перевод: Ты стал просветителем пребывающих во тьме неведения, утешителем вдов и сирот, удивительным врачом больных, учителем детей и подростков, родителям же пресветлой радостью, святитель отче Иоанн, моли Христа Бога подать стране нашей укрепление в вере, воинству нашему преодоление и победу над врагами, людям же своим великую милость.
Тропарь преподобному Лонгину, вратарю Печерскому, в Дальних пещерах, глас 1
Преподо́бне и Богоблаже́нне о́тче Ло́нгине,/ врат монасты́рских опа́сный храни́телю,/ опа́снейший же и неусы́пный свои́х чу́вствий/ от вся́каго мирска́го су́етствия затвори́телю,/ моли́ наре́кшаго Себе́ дверь Го́спода Сла́вы,// да отве́рзет нам дверь ми́лости Своея́.
Перевод: Преподобный и Богоблаженный отче Лонгин, врат монастырских бдительный стражник, бдительнейший же и неутомимый своих чувств от всякой мирской суеты страж, моли назвавшего Себя дверью (Ин.10:7) Господа Славы, да откроет нам дверь милости Своей.
Кондак преподобному Лонгину, вратарю Печерскому, в Дальних пещерах, глас 8
Врато́м земны́м приседя́ и о́ным с послуша́ния вне́шнима очи́ма наблюда́я,/ Небе́сная врата́ при́сно у́мныма свои́ма очи́ма наблюда́л еси́, преподо́бне Ло́нгине,/ в ня́же уже́ вшед и та́мошния красоты́ сподо́бився, моли́ся Го́сподеви,// да и мы полу́чим вход Ца́рствия Небе́снаго.
Перевод: Трудясь у ворот земных и по послушанию за ними внешними очами наблюдая, Небесные врата всегда мысленными своими очами наблюдал ты, преподобный Лонгин, те, в которые ты уже прошел и удостоился той красоты. Молись Господу, чтобы и мы получили вход в Царствие Небесное.
Величание преподобному Лонгину, вратарю Печерскому, в Дальних пещерах
Ублажа́ем тя, преподо́бне о́тче Ло́нгине, и чтим святу́ю па́мять твою́, наста́вниче мона́хов и собесе́дниче а́нгелов.
Цитата дня
“Как горести греховные частного человека, так и мирские, обыкновенно называемые естественными, бедствия, как-то: голодовки, засухи, моровые поветрия и тому подобные, часто не имеющие непосредственного отношения ко греху частного лица, происходят по воле Божией. А потому все бедствия и горести человеческие положительно происходят по воле Божией ради достижения праведных целей Промысла Божия; один только грех противен Богу (подобно тому, как зло противно добру, или ложь противна истине), но попускаются Богом ради ненарушения личной человеческой воли, или его свободы”.
святитель Иоанн Тобольский (Максимович)
источник: Божественный промысл cвятителя Иоанна Тобольского / Изд. Сарат. Свято-Алексеев. жен. монастыря, — Саратов: Благовест, 1996. — 46, [2] с.
Молитва святителю Иоанну, митрополиту Тобольскому
О, святи́телю Христо́в Иоа́нне, Бо́жию Престо́лу со святы́ми предстоя́й! Ты еси́ оте́ц наш любвеоби́льный и моли́твенник наш те́плый. Умоли́ Го́спода Бо́га, да пода́ст нам коего́ждо потре́бно поле́зная: скорбя́щим утеше́ние, немощны́м здра́вие, заблу́ждшия да наста́вит и обрати́т на путь покая́ния, ра́спри и раздо́ры умири́т, неве́дущия Христа́ лю́ди на путь спасе́ния да обрати́т и всех нас едине́нием ду́ха и любве́ в Еди́ней Святе́й Свое́й Це́ркви соедини́т, да сохрани́т нас от гла́да, гра́да, тру́са, пото́па, огня́, меча́, междоусо́бныя бра́ни и напра́сныя сме́рти, наипа́че же от искуше́ний, облежа́щих нас в жи́зни сей, да да́рует нам ми́рное пожи́ти зде житие́ и ве́ру свою́ Правосла́вную невреди́му соблюсти́. О святы́й уго́дниче Христо́в, архипа́стырю, предо́брый, моли́твенниче наш неусы́пный! От ю́ности всего́ себе́ Бо́гу посвяти́в, равноа́нгельное житие́ стяжа́л еси́, испо́лнен бе ра́дости духо́вныя, я́же озаря́ше све́тлость ли́ка твоего́ и сердца́ ве́рных утеша́ше, пои́стине бе свети́льник горя́й и светя́й, святоле́пно пожи́в, от Го́спода сподо́блен бе да́ра прозре́ния, вре́мя кончи́ны своея́ предуве́да, моля́ся пред о́бразом Пречи́стыя Богоро́дицы, коленопреклоне́нне преста́вися; ны́не проси́ Ю́ о нас, да бу́дет нам Покрови́тельница в сей многотру́дней жи́зни и в час кончи́ны на́шея да умо́лит Всеблага́го Го́спода сподо́битися нам в ли́це благоугоди́вших предста́ти Престо́лу Его́ и восхвали́ти в Тро́ице сла́вимаго Бо́га, Отца́, и Сы́на, и Свята́го Ду́ха, во ве́ки веко́в. Ами́нь.
