День памяти преподобномученика Льва (Егорова), архимандрита (1937) 2024 г
Тексты на Литургии:
Послание апостола Павла к Римлянам (Рим.8:28-39)
Евангелие от Луки (Лк.21:12-19)
Тропарь преподобномученику Льву, глас 2
Жития подвижническаго от юности возжелев, / во обитель Александро-Невскую вселился еси, / честным тружеником Христовым в ней показался еси, / и во дни гонений обеты иночества добре сохранив, / тайных общин монашеских устроителем явился еси, / сего ради заточение и убиение от безбожных претерпел еси, / и во всех испытаниях Господеви верен пребыв, / во обители небесныя вселился еси, / поминай нас, преподобномучениче отче Льве, / чтущих святую память твою.
Кондак преподобномученику Льву, глас 3
Мирскаго мятежа удалився,/ добре Богу послужил еси,/ во дни же гонений на Церковь Русскую,/ кровь твою за Христа пролиял еси/ и страданьми твоими землю нашу обагрил еси./ Темже молися, преподобномучениче Льве,/ сохранитися ей в Православии и благочестии/ до скончания века.
Цитата дня
“Но, может быть, ненависть мира не есть еще мученичество? В таком случае определим, что значит поносить за веру и верность Христу? Это значит бранить, насмехаться, издеваться, как поносили Самого Христа, называя Его самарянином и беснующимся, и как смеялись над Ним, когда Он висел на Кресте для спасения людей. Что значит быть изгнанным за правду? Это значит быть лишенным общения с людьми, преследованным, угнетенным. Под правдою надо разуметь всякую добродетель, а гонителями ее бывают люди, преданные греху и нечестию. Так как ревнители благочестия и добродетели служат им обличением, то они делаются нетерпимыми”.
священномученик Серафим (Чичагов)
источник: Проповеди. /священномученик Серафим (Чичагов).
Молитва преподобномученика Льва (Егорова), архимандрита
О освященная и многострадальная главо, преподобномучениче Льве приснопамятне, воине Христов добропобедный, Православныя Русския Церкве сыне верный! Ты первее труды постническими душу твою очистив, демонская ополчения посрамил еси, в годину же безбожных гонений терпением мужески облеклся еси и яко жертва непорочная и благоприятная за грехи народа нашего Богу принеслся еси. Темже, яко благий раб и верный, в радость Господа твоего вшел еси. О преподобне и достохвальне страдальче, не остави ныне и нас, сродник твоих, благодарною любовию подвиг твой почитающих и заступления твоего просящих. Моли тепле всеблагаго Господа нашего Иисуса Христа, да утвердит в православии до скончания века церковь нашу, отечество и люди, да сохранит обители монашеския, верныя обетом иноческим, да дарует нам покаяние и прощение грехов и да поможет во всяцем чине и звании Ему угождати и во всех обстояниих на Него единаго уповати: Емуже подобает всякая слава, честь и поклонение, со Отцем и Святым Духом, ныне и присно, и во веки веков. Аминь.
